Остона, 8 сентябри соли 2026-АИ КараванИнфо. Вазири корҳои хориҷии Қазоқистон Мухтор Тлеубердӣ бо роҳбарони идораҳои сиёсати хориҷии Озарбойҷон, Арманистон, Тоҷикистон, Туркманистон ва Узбекистон гуфтушунидҳои телефонӣ анҷом дод. Ҳамкорон Тлеубердиро бо таъин шуданаш табрик гуфтанд ва масъалаҳои мубрами рӯзномаи минтақавӣ ва байналмилалиро баррасӣ намуданд.

Дар рафти сӯҳбатҳо мусоҳибон ба вазъ ва дурнамои муносибатҳои дуҷониба, инчунин ҳамкорӣ дар доираи форматҳои бисёрҷониба дахл намуданд. Ба таҳкими муколамаи сиёсӣ, густариши ҳамкориҳои тиҷоратию иқтисодӣ ва гуманитарӣ, инчунин татбиқи амалии созишномаҳои бадастомада диққати махсус дода шуд. Ҷонибҳо ҷадвали чорабиниҳои дуҷониба ва бисёрҷонибаи дарпешистодаро баррасӣ намуданд.

Дар музокирот иштирок намуданд:

• Ҷейҳун Байрамов – вазири корҳои хориҷии Озарбойҷон;

• Арарат Мирзоян – вазири корҳои хориҷии Арманистон;

• Сироҷиддин Муҳриддин – вазири корҳои хориҷии Тоҷикистон;

• Рашид Мередов  – муовини раиси Кабинети вазирон, вазири корҳои хориҷии Туркманистон;

• Бахтиёр Саидов  – вазири корҳои хориҷии Узбекистон.

Аксҳо: ВКХ ҶҚ