Canastota, 2026 жылғы 15 маусым – Karavan Info ақпараттық агенттігі. Қазақстандық боксшы Геннадий Головкин Халықаралық бокс даңқ залына (IBHOF) енгізілген алғашқы Қазақстан өкілі болды. Салтанат АҚШ-тың Нью-Йорк штатындағы Canastota қаласында өтті.

Головкин алғашқы әрекетінде-ақ 2026 жылғы боксшылар санатына кіріп, Мұхаммед Әли, Майк Тайсон, Флойд Мейвезер және Мэнни Пакьяоның қатарына қосылды.

Әуесқой ретінде қазақстандық 350 жекпе-жектің 345-інде жеңіске жетті. Кәсіпқой ретінде ол 45 рет жекпе-жек өткізіп, оның 42-сінде жеңіске жетті (37-сі нокаутпен). Ол Дүниежүзілік бокс қауымдастығының (WBA), Дүниежүзілік бокс кеңесінің (WBC), Халықаралық бокс федерациясының (IBF) және Халықаралық бокс ұйымының (IBO) әлем чемпионы атағын, беделді Ring журналының белбеуін иеленді және ұзақ уақыт бойы әлемдік pound-for-pound (P4P) рейтингінде көш бастады.

Головкиннің рекордтарына 23 жекпе-жек нокаут сериясы (орта салмақтағы тарихтағы ең ұзақ) және 21 титулды сәтті қорғау кіреді. Оның ең жоғары тоқтату көрсеткіші (90 пайыздан астам) Гиннестің рекордтар кітабына енгізілген.

Бүгінде Головкин Қазақстан Ұлттық Олимпиада комитетін және World Boxing халықаралық ұйымын басқарады, халықаралық спорт федерациясының президенті қызметін атқарған алғашқы қазақстандық болды.

Фото : ҚР ҰОК