КР Соода-өнөр жай палатасынын Жалал-Абад облустук бөлүмүнүн башчысы Мааданбек Караев менен Пакистандын Кыргызстандагы толук жана ыйгарым укуктуу элчиси Хасан Али Зайгамдын жолугушуусу болуп өттү.

Жолугушууда элчи пакистандык ишкерлердин Кыргызстандын пахта чийкисин жана кайра иштетилген продукциясын жеткирүүгө кызыгуусу жогору экенин белгиледи. Тараптар эки өлкөнүн ишкерлеринин ортосундагы кызматташуунун келечегин талкуулашты, ошондой эле Зайгам мырзаны Жалал-Абад облусунун инвестициялык потенциалы жана экспорттук мүмкүнчүлүктөрү менен тааныштырышты.

Элчинин жалпы кызыкчылыктарды талкуулоо үчүн кыргыз-пакистан ишкер кеңешин уюштуруу сунушуна өзгөчө көңүл бурулду. Мындан тышкары, Зайгам мырза 2025-жылы Пакистандан бизнес делегациянын Жалал-Абад облусуна сапарын уюштурууну сунуштады.

Элчи Пакистан менен Өзбекстандын ортосундагы соода жүгүртүү 2023-жылы 400 миллион долларды түзгөнүн, бирок Кыргызстан менен соода алакалары өнүкпөй жатканын баса белгиледи.

Жолугушуунун соңунда тараптар пахта экспортун илгерилетүү боюнча кампания өткөрүү жана эки өлкөнүн ортосундагы экономикалык байланыштарды чыңдоого багытталган кызматташууну улантуу боюнча макулдашышты.

Ақпарат көзі: сайт https://caravan-info.kg/