Душанбе, 19 май, – АИ «Корвон Иттилоот». Ширкатҳои сайёҳӣ, меҳмонхонаҳо, тарабхонаҳо ва соҳибкорони соҳаи туризм метавонанд дар Форуми байналмилалии сайёҳии «Хатлон — диёри тамаддунҳо ва туризм» иштирок намоянд. Ин ҳамоиш ҳамчун минбари мулоқотҳои нав, ҳамкориҳои байналмилалӣ ва имкониятҳои бузурги тиҷоратӣ арзёбӣ мешавад.

Форум рӯзҳои 4–5 июни соли 2026 дар минтақаи сайёҳии «Чилдухтарон»-и ноҳияи Мӯъминобод баргузор мегардад.

Ташкилкунандагон таъкид мекунанд, ки чорабинии дар пешистода намояндагони соҳаи сайёҳиро гирди ҳам оварда, имкониятҳои вилояти Хатлонро муаррифӣ намуда, барои рушди сайёҳии дохиливу байналмилалӣ заминаи нав фароҳам месозад.

Ҷойи баргузорӣ: минтақаи сайёҳии «Чилдухтарон», ноҳияи Мӯъминобод
Сана: 4–5 июни соли 2026

АКС: Tourism Khatlon