Остона, 4 июни соли 2026-АИ «Караван Инфо». Вазири корҳои хориҷии Ҷумҳурии Қазоқистон Ермек Кошербаев дар пойтахт бо Вазири корҳои хориҷии Ҷумҳурии Кипр Константинос Комбос гуфтушунидҳо анҷом дод. Мулоқот дар доираи сафари аввалини Расмии Президенти Кипр Никос Христодулидис ба Қазоқистон баргузор шуд, ки марҳилаи нави рушди муносибатҳои дуҷонибаро нишон дод.

Роҳбарони идораҳои сиёсати хориҷӣ дурнамои ҳамкорӣ дар соҳаҳои тиҷоратию иқтисодӣ ва сармоягузориро баррасӣ намуданд. Дипломатҳо ба таҳкими робитаҳои тиҷоратӣ, инчунин шарикӣ дар соҳаи рақамисозӣ, сайёҳӣ ва маориф диққати махсус доданд. Ҷонибҳо инчунин оид ба рӯзномаи байналмилалӣ мубодилаи афкор намуда, пойбандии худро ба принсипҳои Оинномаи СММ (Созмони Милали Муттаҳид) тасдиқ намуданд.

Қадами муҳим дар васеъ намудани алоқаҳо оғози аввалин парвозҳои мустақими ҳавопаймоӣ дар хатсайрҳои Остона ларнака ва Алмаато Ларнака буд. Роҳбарони ВКХ изҳори боварӣ намуданд, ки татбиқи созишномаҳо байни Президенти Қазоқистон Қасим-Жомарт Токаев ва Президенти Кипр Никос Христодулидис ба таҳкими муносибатҳои дӯстонаи ду давлат такони қавӣ мебахшад.

Аксҳо: ВКХ ҶҚ