Душанбе, 23 сентябр, – АИ «Корвон Иттилоот». Дар Хонаи русӣ дар шаҳри Душанбе бозии симулятсионии «Сулҳ тавассути муколама», ки ба Рӯзи байналмилалии сулҳ бахшида шудааст, баргузор гардид.
Ин лоиҳа ба хонандагони синфҳои болоӣ ва донишҷӯёни донишгоҳҳои пешрафтаи кишвар имконияти беназир дод, ки ба нозукиҳои сиёсати хориҷии воқеӣ ворид шуда, маҳорати баромади оммавӣ ва тафаккури стратегиро дар амал санҷанд.
Майдонча донишҷӯёни Донишгоҳи славянии Тоҷикистону Русия, Академияи идоракунии давлатии назди Президенти Ҷумҳурии Тоҷикистон, Донишгоҳи миллии Тоҷикистон ва филиали Донишгоҳи давлатии Москва ба номи М.В. Ломоносов дар шаҳри Душанберо ба ҳам овард.
Мувофиқи шартҳои симулятсия, иштирокчиён ба «ҳайатҳо» тақсим карда шуданд, ки давлатҳои хаёлӣ ва созмонҳои байналмилалиро муаррифӣ мекарданд. Дар назди ҳар як гурӯҳ вазифаи мураккаб меистод: шакл додани мавқеи сиёсати хориҷии субъект, ҳифзи манфиатҳои калидӣ дар шароити регламенти шадид, зоҳир намудани чандирӣ ва расидан ба созиш бо шарикон дар муколамаи бисёрҷониба.
Формати бозӣ имкон дод, ки фазои саммитҳои байналмилалии муосир таҷассум ёбад, ки дар онҳо кори дипломатӣ таҳлили фаврӣ ва пайдо кардани формулаҳои созиширо талаб мекунад.
«Дарёфти ҳалли мусолиҳатомез ва бастани шартнома бо дигар ҳайатҳо аз ҳама мураккаб буд. Аммо благодари кори даставӣ ба мо муяссар шуд, ки ба ҳамаи мақсадҳои гузошташуда бомуваффақият расем», — таассуроти худро баён намуд донишҷӯи Академияи идоракунии давлатии назди Президенти Ҷумҳурии Тоҷикистон Фариона Абдулхонова.
Рафти музокирот, сатҳи далелҳо ва стратегияи ҳар як даста аз ҷониби ҳайати коршиносони ботаҷриба баҳодиҳӣ карда шуд.
Ҳамчун коршинос мутахассиси дипломатияи байналмилалӣ ва сиёсати хориҷӣ, корманди филиали ДДМ ба номи М.В. Ломоносов дар шаҳри Душанбе Абдураби Абдурабизода ва директори Пажӯҳишгоҳи илмӣ-тадқиқотии равандҳои сиёсӣ, дипломатия ва мушкилоти глобализатсияи Академияи идоракунии давлатии назди Президенти ҶТ Алишер Саидмухторов баромад намуданд.
Коршиносон сатҳи баланди тайёрии иштирокчиён, қобилияти кори даставӣ ва фаъолнокиро дар ҳамоҳангсозии ҳуҷҷатҳои ниҳоӣ қайд карданд. Аз рӯи натиҷаҳои бозӣ, дастаи ғолиб бо тӯҳфаҳои хотиравӣ ва сертификатҳои расмии Хонаи русӣ дар Душанбе қадрдонӣ шуд.
Акс: Хонаи русӣ дар Душанбе (Намояндагии Россотрудничество дар Тоҷикистон)