Алмаато, 29 июли соли 2026 АИ «Караван Инфо». Конфронси байналмилалии илмӣ – амалӣ “Вазъият, мушкилот ва рушди роҳҳои автомобилгарди Қазоқистон” дар заминаи ALT Донишгоҳи ба номи Муҳаммадҷон Тинишпаев (АЛТ номи латинии муассисаи таълимӣ, қаблан донишгоҳи технологии Алмаато) баргузор шуд. Чорабинӣ олимон, намояндагони донишгоҳҳо, институтҳои илмӣ, мақомоти давлатӣ ва коршиносони соҳаи роҳро аз кишварҳои ИДМ– Русия, Беларус, Узбекистон, Қирғизистон ва Тоҷикистон ҷамъ овард.

Конфронс қисми марҳилаи қазоқистони IX-и мошиндаввонии Байналмилалии шӯрои Байниҳукуматии роҳсозон гардид. Иштирокчиён рушди долонҳои нақлиётӣ, заминаи меъёрию ҳуқуқӣ, ҷорӣ намудани маводи инноватсионӣ ва технологияҳои рақамӣ, моделсозии ҷараёни нақлиёт, геологияи муҳандисӣ ва бехатарии ҳаракати роҳро муҳокима намуданд. Инчунин натиҷаҳои коркардҳои илмӣ барои сохтмон ва истифодаи роҳҳо пешниҳод намуда шуданд.

Натиҷаи асосӣ имзои ёддошти тафоҳуми ҳамкорӣ байни Донишгоҳи ALT ва шӯрои байниҳукуматии роҳсозон буд. Ҳуҷҷат таҳқиқоти муштарак, лоиҳаҳои байналмилалии таълимӣ, табодули таҷриба ва тайёр намудани муҳандисонро барои соҳаи нақлиёт пешбинӣ мекунад.

Аксҳо: Вазорати Илм ва ТО ҶҚ