Душанбе, 23 сентябр, – АИ «Корвон Иттилоот». 22 сентябр Президенти Ҷумҳурии Тоҷикистон, Пешвои миллат Эмомалӣ Раҳмон ба Президенти Федератсияи Русия Владимир Путин телеграммаи табрикӣ ирсол намуд, ки дар он омадааст:

«Муҳтарам Владимир Владимирович,

Шуморо бо баргузории муваффақонаи интихоботи Маҷлиси Давлатӣ — чорабинии муҳим дар ҳаёти ҷамъиятӣ-сиёсии кишвар табрик мегӯям!

Фаъолона иштирок намудани шаҳрвандон дар овоздиҳӣ ва натиҷаҳои он боз як далели дастгирии васеи ҷомеа аз сиёсати давлатии Шумо мебошад, ки ба таъмини рушди устувори иҷтимоию иқтисодии Федератсияи Русия ва баланд бардоштани сатҳи некӯаҳволии мардуми он равона шудааст.

Аз ин фурсат истифода бурда, бори дигар таъкид менамоям, ки нияти тағйирнопазири худро барои нигоҳ доштани рушди устувори муносибатҳои Тоҷикистону Русия ва густариши ҳамкории бисёрҷониба дар рӯҳияи дӯстӣ ва шарикии стратегӣ тасдиқ менамоям.

Ба Шумо саломатии нек ва комёбиҳои нав ба манфиати шаҳрвандони кишваратон, ба халқи дӯсти Русия — сулҳ, шукуфоӣ ва пешрафти пайваста орзу мекунам».

Телеграммаи табрикӣ сатҳи баланди шарикии стратегӣ ва муносибатҳои дӯстонаи байни Тоҷикистон ва Федератсияи Русия, инчунин дастгирии мутақобиларо дар масъалаҳои бунёди давлатдорӣ ва рушди ҳамкории дуҷониба инъикос менамояд.

Акс: Хадамоти матбуоти Президенти Ҷумҳурии Тоҷикистон