Остона, 17 апрели соли 2026-АИ «Караван Инфо». Дар Остона музокироти Сарвазири Қазоқистон Олжас Бектенов ва ноиби президенти Туркия Ҷевдет Йилмаз баргузор шуд, ки дар ҷараёни он ҷаласаи 14-уми Комиссияи байниҳукуматӣ оид ба ҳамкориҳои тиҷоративу иқтисодӣ баргузор шуд. Ҷонибҳо тавсеаи ҳамкориҳоро дар самтҳои асосии — аз сармоягузорӣ ва энергетика то рақамисозӣ ва кишоварзӣ баррасӣ намуданд.

Ба афзоиши муомилоти мол ва ба роҳ мондани лоиҳаҳои муштарак диққати махсус дода мешавад. Туркия аллакай яке аз бузургтарин шарикони тиҷоратии Қазоқистон аст ва ҳаҷми тиҷорати мутақобила дар ҳоли афзоиш аст. Маблаггузорӣ фаъолона инкишоф меёбад: дар солҳои охир дар саноат, таъминоти моддию техникӣ ва сохтмон даҳҳо лоиҳаҳо ба амал бароварда шуданд.

«Туркия – яке аз панҷ шарики асосии тиҷоратии Қазоқистон аст. Мо ба инкишоф додани хамкорӣ ва гузаштан ба махсулоти дорои арзиши иловагии баланд манфиатдорем», — кайд намуд Олжас Бектенов.

Дар навбати худ Ҷевдет Йилмаз хусусияти стратегии муносибатҳои ду кишвар ва аҳамияти ҳамоҳангсозӣ дар сатҳи ҳукуматро таъкид намуд.

«Мамлакатҳои мо — на танҳо шарикон, балки давлатҳое ҳам мебошанд, ки бо таъриху маданияти умумӣмуттаҳид шудаанд. Мулоқоти имрӯза барои боз ҳам мустаҳкам намудани хамкорӣзамина мегузорад», гуфт ӯ.

Масъалаҳои рушди масирҳои нақлиётӣ, аз ҷумла долони миёна, лоиҳаҳо ва ташаббусҳои энергетикӣ дар соҳаи технологияҳои иттилоотӣ ва зеҳни сунъӣ алоҳида баррасӣ шуданд. Дар натиҷаи мулоқот санад ба имзо расид, ки қадамҳои минбаъдаи ҳамкориҳои дуҷонибаро муайян мекунад.

Аксҳо: Ҳукумати ҶҚ