Алмаато, 15 июн 2026 ш. – АИ «Караван Инфо». Ҳаштумин вохӯрии Намояндагони махсус ва фиристодагони Иттиҳоди Аврупо (ИА) ва давлатҳои Осиёи Марказӣ оид ба Афғонистон дар Алмаато баргузор шуд. Иштирокчиён вазъият дар Афғонистон, таъсири он ба амнияти минтақавӣ ва дурнамои рушди роҳҳои нақлиётӣ ва логистикӣ тавассути ин кишварро баррасӣ карданд.

Қазоқистон ҷонибдори механизмҳои сиёсӣ ва дипломатии ҳалли мушкилоти минтақавӣ ва таҳкими ҳамсоягии нек аст. Иштирокчиён саҳми Қазоқистонро дар кӯмаки башардӯстона ба Афғонистон ва барномаҳои таълимӣ баланд арзёбӣ намуданд.

Ба фаъолияти СММ диққати махсус дода шуд. Онҳо аҳамияти Маркази минтақавии СММ оид ба ҳадафҳои рушди устувор барои Осиёи Марказӣ ва Афғонистон, воқеъ дар Алмаато, таъкид карданд. Ин шаҳр ҳамчун маркази байналмилалии дипломатияи бисёрҷониба рӯ ба рушд дорад.

Дар ҷаласа намояндагони Қазоқистон, Қирғизистон, Тоҷикистон, Туркманистон, Узбекистон, Иттиҳоди Аврупо ва Созмони Милали Муттаҳид (СММ) иштирок намуданд. Ҷонибҳо ӯҳдадории худро ба ҳамкорӣ барои сулҳ ва субот дар Афғонистон тасдиқ намуданд.

Аксҳо: ВКХ ҶҚ