Остона, 10 сентябри соли 2026-АИ Караван Инфо. Олимони қазоқистон навъи нави картошкаи “Айтхожин”-ро, ки ба шароити хок ва иқлими кишвар мутобиқ намуда шудааст, бароварданд. Ин корнамудро мутахассисони институти илмӣ-тадқиқотии Мевапарварии Қазоқистон ва Институти биологияи молекулярӣ ва биохимияи ба номи М.А. Айтхожин якҷоя таҳия намуданд.

Ин навъ ба навъҳои барвақтӣ ва серҳосил мансуб аст. Ҳосилнокии он аз ҳар гектар ба 35 тонна мерасад. Лўндаҳо гӯшти зард доранд, ки пас аз буридан торик намешавад. Ин навъ ба вируси x картошкаи PVX (пи-ви-экс) тобовар аст ва инчунин бо муқовимати нисбӣ ба алтернариоз ва фузариоз фарқ мекунад.

“Ин навъ – натиҷаи кори муштараки олимонест, ки чанд сол таҳқиқот гузаронидаанд ва роҳҳои ҳалли муассирро меҷӯянд”. – қайд намуд муҳаққиқ Меруерт Кошмагамбетова

Номи “Айтхожин” ба шарафи академик Мурат Айтхожин – яке аз асосгузорони биологияи молекулярӣ дар Қазоқистон дода шудааст.

Марҳилаи навбатӣ – озмоиши навъҳои давлатӣ ва ҳифзи ҳуқуқии таҳия мебошад. Дар оянда олимон ният доранд, ки навъро ба истеҳсолот ҷорӣ кунанд ва хоҷагиҳои тухмипарварии ватаниро бо маводи босифат таъмин кунанд.

Аксҳо: хадамоти матбуоти ВИТО ҶҚ